नक्सलबारीमा राज मिस्त्री निर्माण श्रमिक युनियनको गठन

नक्सलबारी : भारतीय जनता पार्टी (भाजपा) नक्सलबारी मण्डलको तर्फबाट राज मिस्त्री निर्माण श्रमिक युनियन नक्सलबारी मण्डलको आज गठन गरियो। यस अवसरमा सिलगढी सांगठनिक भाजपा जिल्ला सचिव दिलीप बारोई, श्यामल राय लगायत अन्य कार्यकर्ताहरू उपस्थित थिए। जिल्ला सचिव दिलीप बारोईले बताएअनुसार राज मिस्त्रीको विभिन्न समस्याहरूलाई ध्यानमा राखेर उक्त युनियनको गठन गरिएको साथै सर्वसम्मतिले युनियनका अध्यक्ष प्रमोद बर्मन,  उपाध्यक्ष कर्ण बर्मन तथा चैतु मिन्जलाई छनौट गरेको छ।